Судалгаа

Танилцуулга

Манай судалгаа нь “Bloomberg”, “Unread”, “Esight” зэрэг нэр хүндтэй хэвлэлүүдэд онцлогдож байсан бөгөөд бид харилцагчдадаа зах зээл, байгаль орчин, нийгэм-эдийн засгийн чиг хандлагын талаар судалгааг тогтмол хүргэдэг.

Мөн бид дэлхийн хамгийн том үнэлгээ, мэдээлэл, хөрөнгийн зах зээлийн нарийвчилсан судалгааны байгууллага болох S&P Global-ийн салбар Capital IQ платформтой 2018 оноос хойш хамтран ажиллаж байна. Энэхүү платформд Монголын хөрөнгийн бирж дээр арилжаалагддаг ТОП компаниудын хувьцааны судалгаа болон хөрөнгө оруулагчдад зориулсан бизнесийн зах зээлийн мэдээллийг тогтмол байршуулдаг. MICC-ийн харилцагчаар бүртгүүлснээр та тус платформд байршуулсан мэдээллийг үнэ төлбөргүй авах боломжтой.

Cудалгааны төрлүүд

Хувьцааны судалгаа

Манай шинжээчид хувьцааны судалгааны тайланг боловсруулж, бүртгэлтэй компаниудын үндсэн үзүүлэлт, үнэлгээний дүгнэлт, гүйцэтгэлийн хэтийн төлвийг танилцуулдаг. Эдгээр тайлан нь хөрөнгө оруулагчдыг мэдээлэлд тулгуурласан шийдвэр гаргахад чиглэдэг.

Зах зээлийн тойм

Манай долоо хоног тутмын хөрөнгийн зах зээлийн тойм тайлан нь дотоод болон гадаад зах зээл дэх гол үйл явдлуудыг хамардаг. Тайланд эдийн засгийн үзүүлэлтүүд, зах зээлийн чиг хандлага, арилжааны онцлох мэдээлэл багтдаг бөгөөд хөрөнгө оруулагчдад цаг үеийн мэдээлэлтэй байхад тусалдаг.

“Sustainable” сэтгүүл

Олон нийтийн мэдлэг, нийгмийн хариуцлагыг дэмжих зорилгын хүрээнд MICC нь “Sustainable” нэртэй сэтгүүлийг санаачлан гаргасан. Энэ нь Монгол болон Ази бүс нутгийг хамарсан нийгэм-эдийн засаг, байгаль орчны чухал асуудлуудыг олон нийтэд таниулах зорилготой. Уг санаачилга нь тогтвортой хөгжил нь нарийвчилсан судалгаа, олон нийтийн хэлэлцүүлэг, хэрэгжихүйц шийдлээр хангагдах ёстой гэсэн бидний итгэлийг илэрхийлдэг. Манай туршлагатай судалгааны баг агаарын бохирдол, хотжилтын тогтвортой байдал, эрчим хүчний шилжилт зэрэг сэдвээр гүнзгий судалгаа хийж, бодлого боловсруулагчид, хөрөнгө оруулагчид, олон нийтэд мэдлэг, ойлголт бий болгоход чиглэж ажиллаж байна.

Салбарын судалгаа

Бид хөрөнгө босгох, үйл ажиллагаагаа өргөтгөх эсвэл шинэ зах зээлд нэвтрэх зорилготой компаниудад зориулсан судалгааны тайлан, техник эдийн засгийн үндэслэлийг захиалагчийн онцлогт нийцүүлэн боловсруулдаг. Эдгээр тайланд салбарын чиг хандлага, санхүүгийн боломжит байдал, стратегийн боломжуудын талаар бүрэн дүн шинжилгээ тусгагддаг.