Бидний тухай

MICC-ийн тухай

Эм Ай Си Си (MICC) нь 2005 онд байгуулагдсан бөгөөд андеррайтерийн болон брокерийн үйлчилгээг Монгол Улсад танилцуулсан тэргүүлэгч компани юм. Үүсгэн байгуулагдсанаасаа хойш бид 100 гаруй хэлцлийг амжилттай хэрэгжүүлж, нийтдээ хоёр тэрбум ам.долларын санхүүжилтийг дотооддоо татан төвлөрүүлэн, уул  уурхай, худалдаа үйлчилгээ, банк, хөдөө аж ахуй зэрэг голлох салбаруудад үйл ажиллагаа явуулж буй хувийн болон төрийн өмчит компаниудын өсөлт, хөгжлийг дэмжин ажиллаж байна.

MICC нь Монгол улсын хөрөнгийн зах зээлд томоохон төслүүдэд үүрэг гүйцэтгэж ажилласан бөгөөд үүнд: Хөгжлийн банкны биржийн бус зах зээлийн үйл ажиллагаанд зөвлөхөөр ажиллаж, улсдаа анхны хөвөгч хүүтэй бонд гаргаж байсан. Мөн Эрдэнэс Тавантолгой ХК, Хөгжлийн Банк болон Тогтвортой хөгжлийн зорилгуудын хүрээнд гаргасан дэд бүтцийн болон эрчим хүчний төслүүдийг санхүүжүүлэх Засгийн газрын бондын андеррайтерээр ажилласан бөгөөд эдгээр төслүүдийн хүрээнд олон нийтээс бондын санхүүжилтээр нийт хоёр их наяд орчим төгрөгийг амжилттай татан төвлөрүүлсэн.

ЭРХЭМ ЗОРИЛГО, АЛСЫН ХАРАА, ҮНЭ ЦЭН, M&A

Эрхэм зорилго

Бизнесүүдийг дэлхийн санхүүгийн зах зээлтэй холбож, инновацийн шийдэл, итгэлтэй түншлэлээр дамжуулан тогтвортой хөгжил, үнэ цэнийг бүтээх.

Алсын хараа

Санхүүгийн инновац, ил тод байдал, итгэлцлээр дамжуулан Монголын эдийн засгийн тогтвортой өсөлтийг дэмжих

Үнэт зүйлс

Мэргэшил, итгэлцэл, инноваци, хариуцлага, хүн төвтэй зарчмыг эрхэмлэн, харилцагчиддаа болон нийгэмд урт хугацааны үнэ цэнэ бүтээх.

Удирдлагын баг

Жийл Де Думаст

ТУЗ-ийн дарга

Жийл Де Думаст нь MICC-ийн ТУЗ-ийн дарга болон ахлах зөвлөхөөр ажилладаг. Анх ажлын гараагаа Парис болон Нью-Йорк хот дахь J.P. Morgan хөрөнгө оруулалтын банканд эхлүүлж, дараа нь Францын Эдийн засаг, Санхүү, Үйлдвэрийн сайдын тусгай зөвлөхөөр ажилласан. Хөрөнгө оруулалтын банкны салбарт 35 гаруй жилийн туршлагатай тэрээр салбартаа "rainmaker" хэмээн үнэлэгддэг. Тухайлбал Amundi Group болон түүний Сингапур, Хонконг дахь салбаруудад олон улсын ТУЗ-ийн гишүүнээр ажиллаж байсан. Мөн Bankers Trust-д Европын Стратегийн Деривативийн хэлтсийн захирал, CSFB-ийн Гүйцэтгэх зөвлөлийн гишүүн, Crédit Agricole CIB-д Глобал хэлтсийн тэргүүн зэрэг албан тушаалуудыг хашиж байв.

Дарамбазарын Ачит-Эрдэнэ

Ерөнхийлөгч

Ачит-Эрдэнэ нь Монголын хөрөнгө оруулалтын банкны салбарын анхдагчдын нэг бөгөөд MICC-ийг үүсгэн байгуулсан юм. Тэрээр ажлын гараагаа хөрөнгийн зах зээлээс эхэлж, хувийн компаниудын анхны бонд гаргалтыг удирдан хэрэгжүүлж байсан. Ачит-Эрдэнэ нь хөрөнгө оруулалтын банкны чиглэлээр 20 гаруй жилийн мэргэшсэн туршлагынхаа хүрээнд хаалттай хүрээнд хөрөнгө оруулалт татах, компанийн нэгдэл, хөрөнгө оруулалтын зөвлөх үйлчилгээ, бондын гаргалт зэрэг 50 гаруй хэлцлийг амжилттай хэрэгжүүлсэн туршлагатай банкир юм.

Мөнхзул Хүрлээ

Гүйцэтгэх захирал

Мөнхзул нь MICC компанийн Гүйцэтгэх захирлаар ажилладаг бөгөөд санхүү, хөрөнгө оруулалтын салбарт 20 гаруй жилийн туршлагатай. Тэрээр анхны ажлын гараагаа банк болон үндэсний статистикийн салбарт эхэлж байсан бөгөөд цаашлаад аж үйлдвэр, уул уурхай, сэргээгдэх эрчим хүч, шувууны аж ахуй зэрэг салбаруудад санхүүгийн зөвлөх болон хөрөнгийн зах зээлийн хэлцлүүдийг удирдан санхүүжилт босгох чиглэлээр мэргэшсэн. Мөнхзул нь Монголын хөрөнгийн зах зээлийг хөгжүүлэхэд тусалсан онцлох хэлцлүүдийг дурдвал “Эрдэнэс Таван Толгой” ХК болон Монгол Улсын Хөгжлийн Банкны өрийн бичгийн санхүүжилт, мөн Богд банкны IPO зэрэг багтана.

Марал Түвшинжаргал

Тэргүүн дэд захирал

Марал нь MICC компанийн Хөрөнгө Оруулалтын хэлтсийн Тэргүүн дэд захирлаар ажилладаг. Уг албан тушаалд тэрээр олон улсын хөгжлийн санхүүгийн байгууллагууд, гаднын хөрөнгө оруулагчид болон Монголын тэргүүлэгч компаниудтай хамтран ажиллаж санхүүгийн зөвлөх үйлчилгээ, нэгдэл, төслийн санхүүжилт болон хөрөнгийн зах зээлийн гүйлгээ зэрэг хэлцлүүдэд ажиллаж байсан туршлагатай. Тэрээр ажлын гараагаа PwC болон War Child UK-с эхлэн MICC-д 2016 онд орсноор сүүлийн арав гаруй жилийн хугацаанд эрчим хүч, финтек, хөдөө аж ахуй, үйлдвэрлэлийн салбарын төслүүдийн санхүүжилтэд голчлон ажилласан.