Эм Ай Си Си (MICC) нь 2005 онд байгуулагдсан бөгөөд хөрөнгө оруулалтын банк болон үнэт цаас зуучлалын үйлчилгээг Монгол Улсад танилцуулсан тэргүүлэгч компани юм. Үүсгэн байгуулагдсанаасаа хойш бид 100 гаруй хэлцлийг амжилттай хэрэгжүүлж, нийтдээ хоёр тэрбум ам.долларын санхүүжилтийг дотооддоо татан төвлөрүүлэн, уул  уурхай, худалдаа үйлчилгээ, банк, хөдөө аж ахуй зэрэг голлох салбаруудад үйл ажиллагаа явуулж буй хувийн болон төрийн өмчит компаниудын өсөлт, хөгжлийг дэмжин ажиллаж байна.

MICC нь улсын хөрөнгийн зах зээлд томоохон төслүүдэд үүрэг гүйцэтгэж ажилласан бөгөөд үүнд: Хөгжлийн банкны биржийн бус зах зээлийн үйл ажиллагаанд зөвлөхөөр ажиллаж, улсдаа анхны хөвөгч хүүтэй бонд гаргаж байсан. Мөн Эрдэнэс Тавантолгой ХК, Хөгжлийн Банк болон “Алсын хараа-2050” тогтвортой хөгжлийн бодлогын хүрээнд гаргасан дэд бүтцийн болон эрчим хүчний төслүүдийг санхүүжүүлэх Засгийн газрын бондын андеррайтерээр ажилласан бөгөөд эдгээр төслүүдийн хүрээнд олон нийтээс бондын санхүүжилтээр нийт хоёр их наяд орчим төгрөгийг амжилттай татан төвлөрүүлсэн.

Хөрөнгийн зах зээлээс гадуур бид харилцагчдынхаа бизнесийн стратегийг боловсронгуй болгох, санхүүгийн бүтцийг оновчтой болгох, хөрөнгө оруулалтын шинэ боломжуудыг нээхэд дэмжлэг үзүүлдэг. Тухайлбал, хувийн хэвшлийн компаниудад өсөлтийн стратеги тодорхойлох, компанийн үнэлгээ хийх, нэгтгэл худалдан авалтын (M&A) зөвлөх үйлчилгээ үзүүлэхээс гадна, төрийн өмчит байгууллагуудын бүтцийн өөрчлөлт, санхүүгийн тогтвортой байдлыг хангахад чиглэсэн зөвлөгөө өгч ажилласан. Үүний жишээ нь, Зөөвч Овоо төслийн Засгийн газар болон Орано Майнингтай хийх хэлэлцээр хийх ажлын хэсэгт ажиллаж байсан.

Эдгээр зөвлөх үйлчилгээгээрээ дамжуулан бид зөвхөн богино хугацааны санхүүжилт татахаас гадна харилцагчдад цаашдын урт хугацааны үнэ цэнийг нэмэгдүүлэх, Монголын бизнесийн орчныг илүү өрсөлдөх чадвартай, тогтвортой болгоход хувь нэмрээ оруулж байна.